Dan iudicabit populum suum sicut et alia tribus Israhel

fiat Dan coluber in via cerastes in semita mordens ungulas equi ut cadat ascensor eius retro

salutare tuum expectabo Domine

Gad accinctus proeliabitur ante eum et ipse accingetur retrorsum

Aser pinguis panis eius et praebebit delicias regibus

Nepthalim cervus emissus et dans eloquia pulchritudinis

filius adcrescens Ioseph filius adcrescens et decorus aspectu filiae discurrerunt super murum

sed exasperaverunt eum et iurgati sunt invideruntque illi habentes iacula

sedit in forti arcus eius et dissoluta sunt vincula brachiorum et manuum illius per manus potentis Iacob inde pastor egressus est lapis Israhel

Deus patris tui erit adiutor tuus et Omnipotens benedicet tibi benedictionibus caeli desuper benedictionibus abyssi iacentis deorsum benedictionibus uberum et vulvae

benedictiones patris tui confortatae sunt benedictionibus patrum eius donec veniret desiderium collium aeternorum fiant in capite Ioseph et in vertice nazarei inter fratres suos

Dan iugera son peuple aussi comme les autres lignees d’israel

Dan soit colievre en voie (Du serpent cornu) Cerastes en centier mordans les ongles du cheval si que cil dessus le cheval chee en arrieres Ceste chose fut accomplie en Sanson le fort aussi comme cil deits couvien que la lignee dan soit petite nepourquant viendra de lui un iuge en ysrl' Aussi comme des autres lignees q aussi comme une colievre (Dns serpens) gardera la voie que nuls des anemis de iudee ne puist aler ne venir pour gaster iudee comme il faisoient par devantet fera reculer lorgueil des philistiens et encore soit il si grans et si puissans nepourquant ne sera il mie crist de quoy

iacob dist apres cellui atendre ie tout salut Cette chose mesmes est exposee dantecrist qui vendra ce dit on de dan car antecrist sera arme contre les sains Notre de mortel morsure de pdicacion et de cornes de grant paour et moult de ceulx qui seront plains de bonne vertue pervertira et ostera de leur de eulx leurs vertus Et apres vendra le sauveur au iugement qui que nous yatendons Li autre exposent ainsi ceste chose de iudas le traitre que le cheval cest la char IHESUCHRIST et cellui sur le cheval cest lame IHESUCHRIST mist a mort par morsure de trayson et ne pourquant il ressuscita mais ceste exposicion nest mie si certaine comme li autre Car on cuide que iudas le traitre venist de ysachar nommie de dan * De gad:

Gad sera ceins d’une espee On combattra devant lui et il sera veceins arriere La lignee gad avec la lignee ruben et la demie lignee manasse lessa sa femme et ses enfant oultre le fleuve iourdan en la contree et sen ala armee devant isrl' avec la lignee ruben et la demi lignee manasse en la terre de proumission mais .xiiii. ans apres retourna il en sa contree si trouva ses voisins paiens combattans aux siens quil avoit lessiez si se combati a eulx fort et hardrement et les occist * De Asser:

Aser gras pain donra delices aux roys et ainsy fut il Car la possession de la lignee fut moult fertile et remplie de delices * De neptalim:

Neptali cerf eslcesez et donans parole de beaute p la isnellete du cerf est segenfie plantureuse terre qui sur toutes les autres porte les precieuz fruiz Li autre ont ainsi Neptalim champ arouse car la region est sur le lac de genesareth arousee de iourdan ou les chaudes yaues sont la Et ce quil dist donnans paroles de biaute est raporte a la montaigne de thabor qui est en ces contrees la ou li prophetes henterent moult Ou pource que on offroit par aventure a la pasque premierement de ses fruis dont loenge estoit faite a dieu qui est parole de biaute Mais plus vrayement est raportee ceste chose a IHESUCHRIST et a ses apostres car ou mont de thabor prescha especialment IHESUCHRIST * De Ioseph

Fils accroissans Ioseph fils accroissans de dignete et biaute de regart ses filles coururent aux murs En ceste chose est notee que quant ioseph passoit par egipte les femes couroient aux murs pour sa biaute

et le courroucerent et le tourmenterent et tencierent et orent emne sur lui et orent dars Ceste chose est entendue de ses freres qui de dars demne furent armez contre lui

Son arc se siet en force c’est en seigneurie si rompirent le lien de ses bras et de ses mains par les mains du puissant iacob Cest adire du puissans dieu qui est la puissance iacob Rompirent les liens dont ses freres l’avoient lie puis quil fut pasteur car de lui vint ieroboam qui bon et fort gouverna isrl' Cest adire les .x. lignees son pere en egipte

Et quant iacob ot ainsi commande ioseph il le beney ainsi Le dieu de ton pere sera tes aidieres et le tout puissant te beneisse de beneissons du ciel amont des beneissons de la terre dessoubz et des beneissons d’engendreures

Les beneissons de ton pere seront confortees des beneissons ses peres iusques atant que le desirement viendra des montaignes pmenables Ceste chose nest neant exposee a la lettre mais on puet mlt entendre Toutes ces beneissons viennent sur le chief ioseph et sur son hatterel qui est sains entre ses freres * De Beniamin